Bhí ócáid shuaimhneach agus shultmhar againn ag deireadh an téarma nuair a tháinig an Scoilphobal le chéile ag Seirbhís Charúil na Nollag. Chuir an tAth Ó Ceallaigh fearadh na fáilte romhainn arís i dTeach an Phobail agus chuir damhsa, amhránaíocht, ceol agus léitheoireacht na bpáistí go mór leis an ócáid. Thapaigh muid an deis, agus tuismitheoirí i láthair, chun aitheantas a thabhairt d’éachtaí na ndaltaí i gcúrsaí spóirt, i gcúrsaí acadúla, sa chaint phoiblí agus sa díospóireacht. Thug aoichainteoir na hoíche, Chrissy McKaigue – captaen Shleacht Néill agus bainisteoir Ghleann na Ró – óráid spreagúil don slua mór a bhí i láthair agus bhain gach duine sult as an deireadh oiriúnach ar obair an téarma.
Term 1 ended with our annual Carol Service in St Patricks Church Dungiven. We also took the opportunity to present some sport prizes and welcomed Fr Seamas Kelly as celebrant and Chrissy McKaigue as our guest speaker.